“Хүүхдэд итгэл, инээд бэлэглэе”
Хүүхдийн төлөө сайн үйлсийн аяны тайлан

СЭЗДСургуулийн МВА орой Е620 ангийн хамт олны зүгээс нийгмийн өндөр хариуцлага, бизнесийн ёс зүйтэй, эерэг төлөвшил бүхий менежерүүдийг бэлтгэх МВА хөтөлбөрийн гол зорилготой уялдуулан “Хүүхдэд итгэл, инээд бэлэглэе” аянг 2007-12-11 нээс 2007-12-14 ныг дуустал 4 хоногийн хугацаанд амжилттай зохион байгуулж явууллаа. Хүүхдийн ертөнц гэдэг өөрөө агуу юм. Бид улс орноо хөгжүүлье гэвэл цэцэг цэврүү шиг өсч өндийж буй хүүхдийн сэтгэлийг хиргүй тунгалаг байлгах учиртай. Тиймээс асран халамжлах хүнгүй, ядуу дорой, амьдралын хүнд хэцүүг үүрч яваа хүүхдүүдийг нэг өдөр ч болтугай баярлуулж сэтгэлийг нь бүлээцүүлэх чин хүслийн үүднээс зохион байгуулсан энэхүү аянд СЭЗДС-ийн өдөр оройн бакалавр, магистрийн оюутан залуус, багш ажилчид идэвх санаачлагатай оролцсонд анги хамт олноороо баярлаж талархаж байгаагаа илэрхийлэхэд таатай байна. Онцлон дурдвал: Бакалаврийн өдрийн ангийн оюутан Б.Хатантуул энэхүү аяны салхийг хагалж хандивийн гараа харамгүй сунгасан нь бид бүгдэд 4 хоногийн хугацаанд аянг явуулах итгэл, сэтгэлийн зориг өгч чадсан. Мөн өдрийн ангийн оюутан Б.Амарбаясгалан нь өөрийн идэвх зүтгэлээр авсан шагналынхаа 10 хувийг хүүхдийн сайн сайхны төлөө хандивласан.
МВА хөтөлбөрийн Е612 ангийн магистрант Б.Цогзолмаа нь мөнгөн, эд зүйлсийн болон хандив хүргэх үйл ажиллагаанд бие сэтгэлээрээ байнга хамт байж дэмжлэг үзүүлж магистрантуудаа манлайлсан явдал нь бид бүгдийн хайр хүндэтгэлийг татсан явдал боллоо. Цогзолмаадаа цаашдийн ажил үйлс нь сэтгэл шиг нь гэгээлэг дардан байх болтугай хэмээн хүсч байна. Мөн Е730 ангийн магистрант Ш.Хишигсүрэн анги хамт олноо төлөөлж очих айл бүрт шинэ жилийн баярын хүндэтгэлийн идээ болох тортыг бэлэглэж байгаа нь бидний үйл ажиллагааг улам төгөлдөржүүллээ. Банк санхүүгийн тэнхимийн М.Хоролсүрэн багш мөнгөн болон хүүхдийн тоглоомууд хандивлан аяны явцад бидэнд байнга тусалж байсан. \Та бүхэндээ болон сургуулийнхаа бүх оюутан залууст баярлалаа\
Энэхүү аяны үйл ажиллагааг МВА хөтөлбөрийн төгсөх курсын магистрантуудын хувьд уламжлал болон явагдах эхлэл суурийг нь МВА Е620 анги хамт олон бид тавьж байгаадаа баяртай байгаа бөгөөд энэхүү аяныг амжилттай явуулах бүхий л нөхцөл боломжоор дэмжин тусалсан МВА хөтөлбөрийн эрхлэгч Б.Бүжинлхам багш, хөтөлбөрийн ажилтан С.Хосбаяр, Ё.Жаргалтулга нартаа баярласнаа илэрхийлье.
2007 оны 12 сарын 23 нд болсон MBА-ийн шинэ жил дээр Ганибат ахлагчтай Е710 анги хамт олны зүгээс дуудлага худалдаа зарлан олсон 210000 төгрөгийг бидний үйл ажиллагаанд сэтгэл нэгтэй байгаагаа илэхрийлж сар шинийн баяраас өмнө хүүхдүүдийг баярлуулах үйл ажиллагааг явуулах боломж олгосонд туулийн их баяртай байгаагаа энэхүү дашрамд илэрхийлэх нь зүйтэй болов уу? Биднийг дэмжиж “Хүүхдэд итгэл, инээд бэлэглэе” аянд сэтгэл нэгдэн оролцсон та бүхэндээ ахин дахин талархалаа илэрхийлье.