Их дээд сургуулийн Эдийн засаг, менежментийн мэргэжлээр суралцагч оюутнуудыг судалгаа шинжилгээний ажилд дадлагажуулах, практик дадлага олгох, бие даан шийдвэр гаргах чадвар эзэмшүүлэх , эрдэм шинжилгээний ажлыг урамшуулан дэмжсэнээр оюутны бүтээлч сэтгэлгээг хөгжүүлэх, онол практикийн мэдлэгийг нь сайжруулах зорилгоор ШУТИС-ийн “Эрдмийн шувуу” шилжин явах цомын төлөө оюутны эрдэм шинжилгээний VIII бага хурал 2010 оны 3-р сарын 12-20 ны хооронд хоёр үе шаттайгаар зохион байгуулагдана.Энэ удаагийн оюутны эрдэм шинжилгээний бага хурал нь “Байгууллагын эдийн засаг, менежментийн тулгамдсан асуудал” ерөнхий сэдвийн хүрээнд хоёр салбар хуралдаантай явагдана. Эдийн засаг, санхүүгийн салбар хуралдаан нь: “ Санхүүгийн үйлчилгээний тулгамдсан асуудал “, Менежментийн салбар хуралдаан нь: “ Байгууллагын менежментийн тулгамдсан асуудал ” сэдвийн хүрээнд тус тус зохион байгуулагдана. Энэхүү уралдаанд оюутан та бүхэн идэвхитэй оролцно уу.Дээрх хуралд оролцох хүсэлтэй оюутнууд оролцох тухай мэдүүлгээ 2010 оны 3-р сарын 05-ны дотор СЭЗДС-ийн Эрдэм шинжилгээ судалгааны албаны ажилтан Т.Энхцэцэгт / Б-904 тоот / ирүүлнэ үү. Оюутны эрдэм шинжилгээний бага хурлын удирдамжийг дэлгэрэнгүй хэсгээс харна уу.

БЯМБА ГАРИГИЙН ЭЧНЭЭ АНГИЙН ЭЛСЭЛТИЙН ШАЛГАЛТАНД ТЭНЦСЭН ХҮМҮҮСИЙГ ЗӨВХӨН  2-Р САРЫН 1, 2, 3-НЫ /Даваа, Мягмар, Лхагва  гаригт/  ӨДРҮҮДЭД 10.00-17.00 ЦАГИЙН ХООРОНД  БҮРТГЭНЭ. БҮРТГҮҮЛЭХЭЭР ИРЭХДЭЭ ДОР ДУРДСАН ЗҮЙЛИЙГ АВЧИРНА.

Санхүү Эдийн Засгийн Дээд сургууль 2009/2010 оны хичээлийн жилийн докторантурын сургалтад элсэлт авна. Магистрын зэрэгтэй, Бизнесийн Удирдлагын онол, практикт хувь нэмэр оруулах судалгаа хийх болон эрдэм шинжилгээний ажил хийх сонирхол бүхий элсэхийг хүсэгчдээс мэргэжлийн болон гадаад хэлний /орос, англи/ мэдлэгээр шалгалт авна. Дэлгэрэнгүй хэсгээс мэдээллийг үзнэ үү

2009-2010 оны хичээлийн жилд тус сургуулийн Бакалаврын зэрэг олгох оройн 4,5 жилийн хөтөлбөрт бүрэн дунд боловсролтой иргэдийг доорхи мэргэжлээр элсүүлнэ. Дэлгэрэнгүй хэсгээс мэдээллийг үзнэ үү

Эрхэм ажил олгогч та бүхэнд зориулан СЭЗДС-ийн Оюутны Хөдөлмөр Эрхлэлтийг дэмжих төвөөс “Ажлын байрны үзэсгэлэн яармаг”-ийг 2009 оны 12-р сарын 11-ний өдөр СЭЗДСургууль дээр зохион байгуулахаар боллоо.

Бямба гаригийн эчнээ хөтөлбөрийн элсэлт 2010 оны 1-р сарын 25,26,27-ны өдрүүдэд, Эчнээ ангийн элсэлт 2010 оны 3-р сарын 27, 29, 30-ны өдрүүдэд болно. Элсэлттэй холбоотой дэлгэрэнгүй зарлал 2010 оны 1-р сарын эхний 10 хоногт, мөн 2010 оны 3-р сарын эхний 10 хоногт багтан тус тус хэвлэл мэдээллийн хэрэгслээр гарна.

Санхүү Эдийн Засгийн Дээд Сургууль нь сургалтын чанараа байнга дээшлүүлж, чанартай боловсон хүчин бэлтгэхэд гол анхаарлаа төвлөрүүлж байдаг юм.  Үүнтэй холбоотойгоор оюутнуудаа Олон улсад хүлээн зөвшөөрөгдсөн боловсролтой болгох,  сургалтын хөтөлбөрүүдийн агуулга, арга зүйг Олон улсын түвшинд хүргэх, оюутнуудад өөрийнхөө чадавхийг нээх боломжийг олгохын тулд Гадаадын Их сургуулиудтай харилцаа холбоогоо байнга өргөжүүлж ирсэн. Үүний үр дүнд СЭЗДС нь одоогийн байдлаар гадаадын гурван Их, Дээд сургуулиудтай хамтран сургалтын үйл ажиллагаа явуулж байна.

СЭЗДС-ийн Эрхэм зорилго бол “Эрдмээрээ баян чинээлэг амьдрах боломжийг оюутандаа олгох явдал” бөгөөд Бидний уриа   “ЭРХЭМ БАЯН ЭРДЭМ”.